amawal

mawal-a, yellan akka gar yifassen-nnwen tura, d win d-ilulen s unadi d welqaḍ
Awalen i d-yellan acḥal d aseggas, seg temnaṭ γer tayeḍ n tmurt n Leqbayel, yak d usukkes n kra wawalen I d-nugem seg kra yimawalen.
Amawal-a, nra ad yili d tigejdit d-yuγen azal seg wawal ajaddiw. Ur d-yewwi a t-twalim s talγa tusnant. Talγa-s, nextar-itt d tin yesseqdac amdan yal ass.

Amawal-a, deg-s 7494 wawalen. Iswi i s-nga d win usellek n kra wawalen yebdan zeddren deg tattut, d usishel n teywalt gar yiMaziγen s tmaziγt. Yella-d akken a d-yernu, akken yezmer, kra umaynut γef yimawalen nniḍen i d-yeffγen, ur d-yelli akken a d-yezg d acengu γef wiyiḍ.
Amawal-a, yella-d akken ad yeldi tawwurt sway ara naweḍ ad nesni awalen yal wa deg uḥric i s-ilaqen (amyag, awal, tazelγa…), ad yili d allal iγef ara nenadi anamek, a nefk talγa i tira, amek ilaq ad yefti wemyag, ara iqenεen tugett yiMaziγen. Aya nefka-yas-d azal s yimedyaten i d-nugem seg yisefra d tmedyazin tiqburin neγ timaynutin.